У Глыбоцкім раёне новы старшыня райвыканкама – Пётр Белусь

У рабоце сесіі прынялі ўдзел старшыня Віцебскага аблвыканкама Аляксандр Субоцін і памочнік Прэзідэнта – інспектар па Віцебскай вобласці Уладзімір Юргевіч.

Пётр Белусь зацверджаны на пасаду старшыні Глыбоцкага раённага выканаўчага камітэта.

Пётр Казіміравіч нарадзіўся ў 1976 годзе ў Браслаўскім раёне.

Скончыў Віцебскі дзяржаўны ўніверсітэт ім. П.М. Машэрава, затым Акадэмію кіравання пры Прэзідэнце Рэспублікі Беларусь.

Працоўны шлях пачынаў настаўнікам матэматыкі ў Бешанковіцкім раёне. Пазней узначаліў Плюскі сельвыканкам у Браслаўскім раёне. З'яўляўся кіраўніком КУП ЖКГ «Браслаў – камунальнік».

З 2022 года да цяперашняга часу працаваў намеснікам старшыні Браслаўскага райвыканкама.

Аляксандр Субоцін, старшыня Віцебскага абласнога выканаўчага камітэта, аб задачах, што стаяць перад Пятром Белусем:

– Раён Вам не чужы! Глыбоччына – багатая працавітымі людзьмі зямля, гістарычнай спадчынай.

Адна з першачарговых задач – гэта, безумоўна, уборка ўраджаю. Без страт і аператыўна!

А стратэгічная задача – развіццё рэгіёну па ўсіх напрамках.

Цяпер Вы тут галоўны чалавек! Чакаем ад Вас вынікаў!