У перыяд з 15 па 21 чэрвеня ў Глыбоцкім раёне пройдзе прафілактычнае мерапрыемства «Дом без пажару».

15 чэрвеня 2026

«Дом без пажару» – пад такой назвай у перыяд з 15 па 21 чэрвеня ў Глыбоцкім раёне будзе праводзіцца спецыяльнае прафілактычнае мерапрыемства МНС. 

Мэта мерапрыемства – зніжэнне рызык узнікнення пажараў у жылым фондзе і гібелі людзей ад іх. Работнікі МНС правядуць абследаванні супрацьпажарнага стану як жылых дамоў, так і гаспадарчых пабудоў: лазняў, гаражоў, хлявоў, і раскажуць пра наступствы невыканання правіл пажарнай бяспекі. Таксама спецыялісты нагадаюць пра недапушчальнасць пакідання малалетніх дзяцей без нагляду, пра небяспеку курэння і неабходнасць устаноўкі аўтаномных пажарных апавяшчальнікаў у жылых пакоях.

Акцэнт у праводзімай рабоце будзе зроблены на домаўладання і кватэры грамадзян, найбольш схільных да рызыкі ўзнікнення пажараў.

Асноўнымі прычынамі ўзнікнення пажараў па-ранейшаму застаюцца: неасцярожнае абыходжанне з агнём, парушэнне правіл эксплуатацыі пячнога ацяплення, цеплагенеруючых прылад, парушэнне правіл эксплуатацыі электрасетак і электраабсталявання.

Дастукацца да кожнага і патлумачыць важнасць выканання правіл пажарнай бяспекі – асноватворныя задачы плануючагася мерапрыемства.

Не праяўляйце бестурботнасці і неахайнасці ў пытаннях уласнай бяспекі. Беражыце сябе і сваіх блізкіх, а ў выпадку надзвычайнай сітуацыі тэлефануйце па нумары 101 або 112.