У працоўных калектывах Глыбоцкага раёна прайшоў адзіны дзень інфармавання.

У дадатак да асноўнай тэмы ў калектывах таксама абмяркоўваюць пытанні прафілактыкі гібелі людзей на водах, папярэджання пажараў і гібелі ад іх, прафілактыкі кіберзлачынстваў.

Члены інфармацыйна-прапагандысцкай групы пад кіраўніцтвам намесніка старшыні райвыканкама Алены Шалонька наведалі Глыбоцкі аграсэрвіс.

Абмяркоўваемая тэма: «Канстытуцыя Рэспублікі Беларусь – прававы фундамент адзінства і працвітання беларускага народа».

Калектыву прадпрыемства расказалі аб этапах рэфармавання Канстытуцыі Рэспублікі Беларусь, аб зменах і дапаўненнях, якія былі ўнесены на рэферэндумах.

Васіль Арлоў, першы намеснік начальніка аддзела – начальнік крымінальнай міліцыі Глыбоцкага РАУС закрануў актуальнае пытанне прафілактыкі правапарушэнняў.

Аб тым, як узаконіць зямельныя ўчасткі, расказала начальнік аддзела землеўпарадкавання райвыканкама Наталля Швед.

Важнасць асноўнага закона краіны і ролю канстытуцыйных правоў абмеркавалі ў Глыбоцкім ЖКГ у межах Адзінага дня інфармавання.

Удзельнікі сустрэчы адзначылі, што дзеючая Канстытуцыя ўвасабляе пераемнасць і сувязь усіх форм беларускай дзяржаўнасці, сімвалізуе дынамізм развіцця краіны. Яна сучасная, актуальная, адпавядае выклікам часу і прадугледжвае захаванне памяці аб гераічным мінулым нашага народа разам з абавязкам берагчы гісторыка-культурную, духоўную спадчыну і іншыя нацыянальныя каштоўнасці.

Дадаткова былі агучаны новыя спосабы кібермахлярстваў і асноўныя правілы, як не трапіцца на прынады махляроў.