Ветэрана Вялікай Айчыннай вайны павіншавалі з Днём пажылых людзей

У Дзень пажылых людзей віншаванні прымала ветэран Вялікай Айчыннай вайны Марыя Болтушкіна.

Старшыня Глыбоцкага райвыканкама Пётр Белусь, старшыня Глыбоцкага раённага Савета дэпутатаў Вера Целіца і старшыня Глыбоцкага савета ветэранаў Віталь Шыпко наведалі на доме ветэрана Вялікай Айчыннай вайны Марыю Болтушкіну.

У адрас ветэрана гучалі добрыя словы і пажаданні здароўя, сілы і ўвагі блізкіх. Гаварылі шчыры дзякуй за гераізм і адвагу, за магчымасць жыць пад мірным небам.

Госці ўручылі Марыі Пятроўне кветкі і падарункі.