Віншаванне ад кіраўніцтва Глыбоцкага раёна з Днём будаўніка

Паважаныя работнікі і ветэраны будаўнічага комплексу Глыбоччыны!

Ад імя кіраўніцтва Глыбоцкага раёна шчыра віншуем вас з прафесійным святам – Днём будаўніка!

Будаўнічая галіна па праве з’яўляецца адной з ключавых апор эканомікі і сацыяльнага развіцця нашага раёна. Менавіта вашымі рукамі ствараюцца жылыя дамы і аб’екты сацыяльнай інфраструктуры, добраўпарадкоўваюцца двары, узводзяцца і рамантуюцца дарогі, інжынерныя сеткі і вытворчыя аб’екты. За кожным уведзеным у эксплуатацыю будынкам стаяць ваш прафесіяналізм, самаадданая праца і высокая адказнасць.

Асаблівыя словы ўдзячнасці выказваем ветэранам галіны. Закладзеныя вамі традыцыі добрасумленнай працы, інжынернай думкі і вернасці прафесіі з’яўляюцца надзейнай асновай для цяперашняга пакалення будаўнікоў.

Жадаем вам моцнага здароўя, паспяховай рэалізацыі ўсіх намечаных планаў, дабрабыту вам і вашым блізкім.

 

Максім Бакураў, старшыня Глыбоцкага раённага выканаўчага камітэта.

Вера Цяліца, старшыня Глыбоцкага раённага Савета дэпутатаў.