Візіт святара

16 сакавіка 2022

У сакавіку Глыбоцкі раённы аддзел па надзвычайных сітуацыях у межах узаемадзеяння з Беларускай Праваслаўнай Царквой наведаў настаяцель храма Раства Прасвятой Багародзіцы горада Глыбокае айцец Сергій.

У ходзе свайго візіту святар правёў малітву аб захаванні здароўя цела і духоўным спакоі ўсіх работнікаў аддзела, іх блізкіх і родных. Таксама айцец Сергій правёў гутарку, у ходзе якой распавёў аб гераізме прафесіі «выратавальнік», аб неабходнасці пабудовы сяброўскіх узаемаадносін у сем'ях і ў працоўным калектыве, аб душэўнай раўнавазе.

Пасля былі асвечаны ўсе службовыя памяшканні, тэхніка і самі выратавальнікі. Варта сказаць, што такія сустрэчы праводзяцца рэгулярна і дапамагаюць многім работнікам адчуць важнасць сваёй працы, а таксама задаць хвалюючыя духоўныя пытанні.

МНС нагадвае: устаноўлены аўтаномны пажарны апавяшчальнік - гарант Вашай бяспекі! Абараніце ад бяды сябе і тых, хто вам дарог!