Уладальнікам бяспілотных лятальных апаратаў
22 жніўня 2023
Беспілотны лятальны апарат – паветранае судна без экіпажа на борце. Да іх адносяцца дроны, мультыкоптеры, квадкаптеры і падобныя ім лятальныя апараты.
Беспілотны лятальны апарат – паветранае судна без экіпажа на борце. Да іх адносяцца дроны, мультыкоптеры, квадкаптеры і падобныя ім лятальныя апараты. Яны пастаянна развіваюцца, павышаецца іх тэхналагічнасць, у той час як кошт істотна змяншаецца. І, як следства, лятальныя апараты сталі масава выкарыстоўвацца грамадзянамі.
Калі дрон адносіцца да класа авіямадэлі, то да карыстальніка дадзенай авіямадэлі беларускае заканадаўства прад'яўляе наступныя патрабаванні:
— выкарыстоўваць авіямадэль на вышыні, якая не перавышае 100 метраў ад узроўню зямной (воднай) паверхні;
— не выкарыстоўваць у межах зон, забароненых для выкарыстання авіямадэлей;
— не выкарыстоўваць у выпадках, вызначаных Службай бяспекі Прэзідэнта Рэспублікі Беларусь згодна з Законам ад 08.05.2009 N 16-З;
— нанесці выразна маркіроўку (устойлівую да атмасферных ападкаў) на бачнай частцы авіямадэлі (масай больш за 0,5 кг);
— выконваць правілы эксплуатацыі авіямадэлі і выконваць патрабаванні бяспекі, прадугледжаныя яе вытворцам;
— прымаць усе магчымыя меры (аж да спынення выкарыстання авіямадэлі) у выпадку ўзнікнення пагрозы прычынення шкоды жыццю, здароўю і (або) маёмасці грамадзян.
Парушэнне правілаў
выкарыстання авіямадэлей цягне за сабой адміністрацыйную
адказнасць у выглядзе накладання штрафу (на фіз. асобу — у памеры да
20 БВ, а на юр. асобу — да 50 БВ).
Адказнасць за паўторнае здзяйсненне такога ж правапарушэння на працягу года — штраф: для фіз. асобы ў памеры ад 10 да 50 БВ, для юр. асобы — ад
20 да 100 БВ.
Для рэгістрацыі беспілотнага лятальнага апарата ў Дзяржаўным рэестры грамадзянскіх паветраных судоў Рэспублікі Беларусь грамадзянін абавязаны прадставіць у Дэпартамент па авіяцыі Мінтранса – заяву, копію сертыфіката тыпу грамадзянскага паветранага судна, які ўключае беспілотныя лятальныя апараты з максімальнай узлётнай масай
семь і больш кілаграмаў, копіі дакументаў, якія пацвярджаюць законнасць валодання, копію акта прыёму-перадачы (пры яго наяўнасці), акт праверкі тэхнічнага стану.Каб выканаць у Рэспубліцы Беларусь палёт афіцыйна зарэгістраваным «дронам-беспілотнікам», яго уладальнік абавязаны падаць заяўку на выкарыстанне паветранай прасторы Рэспублікі Беларусь у цэнтр Адзінай сістэмы арганізацыі паветранага руху. Для незарэгістраваных «дронаў-беспілотнікаў» існуюць некаторыя выключэнні. Беспілотныя лятальныя апараты, не зарэгістраваныя ва ўстаноўленым парадку, дапускаюцца да выканання палётаў толькі ў межах устаноўленых небяспечных зон. Такім чынам, адзінымі месцамі, дзе карыстальнікі незарэгістраваных «дронаў-беспілотнікаў» могуць палятаць, з'яўляюцца небяспечныя зоны. Пры гэтым законнае выкананне палётаў на незарэгістраваных «дронах-беспілотніках» у небяспечных зонах таксама прадугледжвае ад карыстальніка падачу заявак.
Аэрафотаздымка — гэта фота- і відэаздымка ва ўсіх абласцях аптычнага спектру паверхні Зямлі і аб'ектаў, якія знаходзяцца на ёй, з выкарыстаннем фотаапарата (відэакамеры), усталяванага на стабілізацыйнай платформе лятальнага апарата, які выконвае палёт у паветранай прасторы, з фіксацыяй атрыманага выявы на любых носьбітах інфармацыі. Выкананне палётаў з мэтай правядзення аэрафотаздымкі ажыццяўляецца пры наяўнасці ў карыстальніка паветранай прасторы дазволу Генеральнага штаба Узброеных Сіл. Атрыманне ўказанага дазволу на практыцы ажыццяўляецца бясплатна і ў самыя кароткія тэрміны. Не патрабуецца дазвол на аэрафотаздымку, калі фотаапарат або відэакамера ўсталяваны на «дроне» не на стабілізаванай платформе, то і атрыманне фота — або відэазапісу з іх не будзе з'яўляцца аэрафотаздымкай у кантэксце палажэнняў Правілаў. Гэта сцвярджэнне справядліва таксама, калі карыстальнік «дрона» не збіраецца фіксаваць атрыманае фота або відэавыяву на якіх-небудзь носьбітах інфармацыі. У такіх выпадках, дазволы Генеральнага штаба Узброеных Сіл не патрабуюцца, будзь ён авіямадэллю або беспілотным лятальным апаратам.
Парушэнні ажыццяўлення аэрафотаздымкі цягне адміністрацыйную адказнасць згодна з арт. 18.35 КоАП. Пры выкарыстанні авіямадэлей у зонах, забароненых для выкарыстання авіямадэлей, а таксама беспілотных лятальных апаратаў у забароненых зонах у парушэнне ўстаноўленага парадку, для іх уладальнікаў акрамя
адміністрацыйнай адказнасці могуць наступіць негатыўныя наступствы ў выглядзе страты (пашкоджання) іх лятальных апаратаў у межах прымянення ў дачыненні да іх фізічнай сілы, спецыяльных сродкаў, зброі, баявой і спецыяльнай тэхнікі ваеннаслужачымі (супрацоўнікамі) воінскіх фарміраванняў, органаў унутраных спраў і работнікамі ваенізаванай аховы ў адпаведнасці з Указам ад 05.06.2019 N 215. У такіх выпадках кошт авіямадэлей або беспілотных лятальных апаратаў іх уладальнікам вернуты не будзе.
Часовы выконваючы абавязкі начальніка аддзела
аховы правапарадку і прафілактыкі
Глыбокскага РАУС
Д.В. Грыбун