Увайшлі ў бяспечныя канікулы

6 чэрвеня 2022

Напярэдадні бяспечных канікул ратавальнікі Глыбоцкага раённага аддзела па надзвычайных сітуацыях звяртаюць увагу бацькоў на праблему дзіцячага траўматызму і свавольства з агнём.

Работнікі МНС, наведваючы сем'і, гутараць пра самае галоўнае ў жыцці бацькоў – іх дзяцей. Пра тое, што неабходна быць прыкладам свайму дзіцяці. І ні ў якім разе не пакідаць яго на волю лёсу.

А якая цана імгнення? Калі хапае ўсяго адной хвіліны для незваротных наступстваў. Па ўсёй краіне існуе мноства прыкладаў, калі з вуснаў бацькоў ледзь чутна пранізлівыя словы: «Не дагледзеў…». А бо нас атачае вельмі шмат небяспек. Але дзякуючы інтэрактыўнай гульні МНС «Агарадзі ад небяспекі» бацькі пачынаюць разумець, што літаральна ў кожным пакоі, здавалася б, на першы погляд, «Бяспечнага дома», для іх малога, ёсць пагроза.

Як паказвае сумная практыка, дзіцячае бесклапотнае свавольства ў далейшым перарастае ў траўматызм. А які бацька не хацеў бы бачыць свайго крэпыша моцным і здаровым? Для гэтага не трэба быць супергероем, а хаця б адказным бацькам. А гутарачы з ратавальнікамі і правільна адказваючы на пытанні, законныя прадстаўнікі змаглі з гонарам назваць сябе «Супермамай» ці «Суперпапай». А наглядна-выяўленчая прадукцыя замацуе атрыманыя веды ў памяці.

Паважаныя бацькі! Навучыце сваіх дзяцей правілам бяспекі і ўменням дзейнічаць у надзвычайных сітуацыях, выклікаць ратавальнікаў і дапамагаць людзям, якія трапілі ў бяду. Памятайце, зрабіць дзяцінства сваіх малых бяспечным – Ваша клопат.