Навошта ён патрэбны — гук, які папярэджвае пра бяду

30 верасня 2025

Ёсць у доме рэчы, якія не кідаюцца ў вочы. Яны не блішчаць, не патрабуюць увагі, не ўпрыгожваюць інтэр'ер. Але менавіта яны — як нябачныя анёлы — стаяць на варце бяспекі і жыцця. Сярод іх — аўтаномны пажарны апавяшчальнік. Сціплы, круглы, маўклівы. Але калі прыходзіць бяда, ён крычыць першым. Чаму так важна яго ўсталяваць? Статыстыка няўмольная: большасць смерцяў пры пажарах адбываецца ўночы, калі людзі не адчуваюць паху дыму. Апавяшчальнік — гэта шанец прачнуцца, шанец выратавацца, шанец захаваць тое, што дарагое. У першую чаргу Ваша жыццё.

Аўтаномны пажарны апавяшчальнік — гэта не проста прылада. Гэта чулы слых Вашага дома, здольны ўлавіць першыя шорахі бяды. Калі Вы пагружаны ў сон, калі дом напоўнены спакоем, ён не спіць, гатовы прагучаць трывогай пры першых прыкметах дыму. Самы танны і эфектыўны сродак выратавання, які можа быць у Вашым доме, — аўтаномны пажарны апавяшчальнік. Дзякуючы спрацоўванню АПА ў мінулым годзе выратавана 93 чалавекі, у тым ліку 21 дзіця. За 8 месяцаў бягучага года выратавана 36 чалавек, з іх 6 дзяцей.

Зафіксаваны выпадкі выратавання пры дапамозе АПА і ў нашым раёне. Паведамленне пра пажар паступіла ў службу МНС з аграгарадка «Азерцы».

Жыхарку аграгарадка разбудзіў гучны гук спрацаванага аўтаномнага пажарнага апавяшчальніка. Агонь ужо ва ўсю гаспадарыў у суседнім пакоі. Пенсіянерка паспяшалася эвакуявацца і вельмі своечасова: змагла выратавацца з дымавой заслоны і выклікаць ратавальнікаў.

Падраздзяленні, якія прыбылі, выявілі ўзгаранне ў шматкватэрным доме.

Гэты выпадак, калі спрацаваны АПА дапамог выратаваць жыццё чалавеку пры пажары, далёка не адзіны. Штогод у Беларусі пажарныя апавяшчальнікі ратуюць сотні чалавечых жыццяў.

Дзе ўсталёўваць — карта бяспекі Вашага прасторы: як правіла, апавяшчальнікі ўсталёўваюцца ў месцах, дзе людзі спяць, таму пажарныя апавяшчальнікі лепш усталяваць у жылых пакоях. Устаноўка апавяшчальніка на кухні — мэтазгодная.

А калі вы пражываеце ў доме, які пабудавалі (або капітальна адрамантавалі) пазней 2004 года і ў праекце прадугледжана ўстаноўка аўтаномнага пажарнага апавяшчальніка – ён павінен быць «па законе», а не па жаданні.

Ніякага складанага абслугоўвання гэтыя карысныя прылады не патрабуюць. Важна не забываць прыкладна раз на год мяняць батарэйку. Выбірайце якасны элемент харчавання, напрыклад «крону». Апавяшчальнік падае сігналы ў двух выпадках: калі села батарэйка і пры трапленні дыму. Гэтыя сігналы адрозніваюцца. Калі ваш апавяшчальнік перыядычна «папісквае», гэта значыць, што неабходна замяніць элемент харчавання. Калі ж ва ўстройство трапіў дым, то сігнал будзе рэзкі і доўгі, яго складана не пачуць.