Пасяджэнне камісіі

13 красавіка 2022

У актавай зале Глыбоцкага раённага выканаўчага камітэта 11 красавіка 2022 года ў рамках акцыі «За бяспеку разам!» прайшло пасяджэнне камісіі для старшынь раённых рабочых груп і аглядных камісій, кіраўнікоў раённых суб'ектаў прафілактыкі правапарушэнняў. Намеснікам старшыні Глыбоцкага райвыканкама Таццянай Тарасевіч былі агучаны дзве асноўныя тэмы: аб мерах па ўмацаванні грамадскай бяспекі і дысцыпліны і работа суб'ектаў прафілактыкі па папярэджанні гібелі людзей ад знешніх прычын на тэрыторыі Глыбоцкага раёна ў 1 квартале 2022 года.

Акрамя ратавальнікаў прынялі ўдзел работнікі жыллёва-камунальнай гаспадаркі, Дзяржэнергагазнагляду, Віцебскаблгаза, Віцебскэнерга, Глыбоцкага доследнага лясгаса, таварыства выратавання на водах, сацыяльна-педагагічнага цэнтра, раённай бальніцы, а таксама старшыні рабочых груп, аглядных камісій і кіраўнікі суб'ектаў прафілактыкі.

Таццяна Тарасевіч больш падрабязна спынілася на Дырэктыве №1. Разам з тым існуючыя праблемы ў забеспячэнні грамадскай бяспекі і дысцыпліны цалкам не вырашаны. Людзі працягваюць гінуць ад знешніх прычын. Асноўнымі прычынамі здарэнняў, што пацягнулі гібель людзей, з'яўляюцца безадказныя адносіны грамадзян да асабістай бяспекі. У працэсе размовы былі зададзены праблемныя пытанні па Дырэктыве №1, на якія адказала Таццяна Тарасевіч.

Начальнік Глыбоцкага раённага аддзела па надзвычайных сітуацыях Васіль Завадскі давёў інфармацыю аб стане пажарнай бяспекі, агучыў прычыны пажараў у 2022 годзе, абазначыў праблемныя пытанні, якія ўзнікаюць у працэсе работы аглядных камісій, а першы намеснік начальніка аддзела Руслан Ермаковіч падрабязна спыніўся на ўсіх пунктах планавання і ажыццяўлення непасрэднай работы аглядных камісій. Асобна спыніліся на запаўненні дакументацыі, якая выкарыстоўваецца ў рабоце.

Таксама са сваімі дакладамі

выступілі і прадстаўнікі іншых службаў. Вынік сумеснай працы напрамую залежыць ад якасці выканання сваіх функцый кожнага з суб'ектаў прафілактыкі.

Прысутныя ў зале з месца задавалі пытанні, абвастралі праблемныя моманты і ўносілі прапановы аб удасканаленні дадзенай працы.

МНС нагадвае, што выпальванне сухой расліннасці, пажніўных рэшткаў, травы катэгарычна забаронена. За парушэнне гэтых патрабаванняў прадугледжана адміністрацыйная адказнасць.