Здаровы горад – гэта горад, які пастаянна фарміруе і паляпшае фізічнае і сацыяльнае асяроддзе і арганізуе свае рэсурсы такім чынам, каб людзі маглі дапамагаць адзін аднаму ў паляпшэнні жыцця і максімальным раскрыцці сваіх магчымасцей.

Задачай праекта з'яўляецца забеспячэнне здароўя насельніцтва як галоўнага прыярытэту гарадской палітыкі і свядомасці саміх жыхароў, а падыходы, закладзеныя ў гэтым праекце, дазваляюць ва ўмовах гарадскога асяроддзя практычна па ўсіх сацыяльных аспектах паспяхова вырашаць пытанні паляпшэння грамадскага здароўя.    

Сутнасць праекта «Здаровыя гарады» ў тым, што гэта арганізацыйная мадэль новых адносін паміж існуючымі гарадскімі структурамі – адміністрацыяй горада, дзелавымі коламі, грамадскімі аб'яднаннямі і непасрэдна насельніцтвам – у рамках сумеснай дзейнасці, накіраванай на паляпшэнне здароўя насельніцтва і асяроддзя пражывання, павышэнне фізічнай актыўнасці, арганізацыю здаровага харчавання, прафілактыку шкодных звычак.

Такім чынам, гэта стварэнне горада, які жыве па прынцыпе здаровага ладу жыцця, у якім насельніцтва адказна ставіцца да ўласнага здароўя і здароўя навакольных, а таксама маюцца ўмовы для захавання і ўмацавання здароўя.

Здаровы горад – гэта не столькі горад, які дасягнуў нейкага пэўнага ўзроўню здароўя насельніцтва, колькі горад, які дамагаецца пастаяннага паляпшэння здароўя і якасці жыцця сваіх грамадзян, «наладжаны» на тое, што здароўе (у шырокім разуменні гэтага слова) – прыярытэтная праблема ўсяго гарадскога жыцця.

Асноўны падыход, закладзены ў праекце «Здаровы горад»: палепшыць здароўе людзей можна толькі ў выпадку мэтанакіраваных і скаардынаваных дзеянняў практычна ўсіх сектараў і ведамстваў, і, вядома, пры непасрэдным удзеле людзей – жыхароў гарадоў, раёнаў і пасёлкаў (Калектыўны падыход). І, бясспрэчна, дзеянні павінны быць доўгатэрміновымі і паслядоўнымі.

Ключавы элемент праекта – супольнае вырашэнне праблем. Неабходна сфарміраваць групу лідараў, зацікаўленых у будучыні горада і якія прадстаўляюць усе класы, групы і пласты насельніцтва.

Іншае ключавое паняцце канцэпцыі «Здаровых гарадоў» – гэта насельніцтва – у арыгінале «community» – супольнасць). Варта адзначыць, што гэта не абавязкова насельніцтва горада: гэта можа быць і раён у вялікім горадзе, і сельская або прыгарадная зона, якая ўключае ў сябе некалькі населеных пунктаў.

«Здаровы горад» імкнецца да наступных канкрэтных мэт:

чыстае, бяспечнае для здароўя фізічнае асяроддзе пражывання (уключаючы жыллё);