Кіраўніцтва раёна павіншавала з Міжнародным днём абароны дзяцей

Дарагія хлопчыкі і дзяўчынкі! Паважаныя дарослыя!

Прыміце самыя цёплыя і шчырыя віншаванні з Міжнародным днём абароны дзяцей.

Дзяцінства – дзіўная пара ў жыцці кожнага чалавека, напоўненая яркімі фарбамі і марамі. Нам, дарослым, гэтае свята служыць напамінам аб тым, што мы ў адказе за жыццё, здароўе і лёс кожнага дзіцяці і павінны зрабіць усё, каб яны адчувалі сябе пад надзейнай абаронай, атрымалі добры старт у жыццё.

У нашым раёне надаецца вялікая ўвага абароне дзяцей, іх жыццю і здароўю, ствараюцца ўсе неабходныя ўмовы для якаснай адукацыі, развіцця, вольнага часу і самарэалізацыі.

У нас шмат таленавітых хлопчыкаў і дзяўчынак: музыкантаў, спартсменаў, пераможцаў прадметных алімпіяд, розных конкурсаў, фестываляў, спаборніцтваў. Многія з іх, нягледзячы на даволі юны ўзрост, паспяхова прадстаўляюць раён на абласных і рэспубліканскіх спаборніцтвах і конкурсах. Выказваем словы ўдзячнасці ўсім, хто дапамагае нашым дзецям развіваць свае таленты, прывівае эстэтычны густ і ўзбагачае іх духоўны свет.

У першы летні дзень жадаем вам, дарагія хлопчыкі і дзяўчынкі, удачы і поспехаў ва ўсіх пачынаннях, вясёлых канікулаў, новых сяброў, шчасця, радасці і здароўя! Дарослым хочацца пажадаць гонару за дзяцей і ўнукаў, моцнага здароўя, кахання і дабрабыту.

Глыбоцкі раённы выканаўчы камітэт,

Глыбоцкі раённы Савет дэпутатаў