Прафілактычнае мерапрыемства "П'янаму і бяспраўнаму не месца на дарозе!" пройдзе з 9 па 12 жніўня на тэрыторыі Глыбоцкага раёна

Накіравана яно на папярэджанне і своечасовае спыненне фактаў нецвярозага ваджэння і кіравання транспартным сродкам без вадзіцельскага пасведчання.

У рамках мерапрыемства нарады ДПС правядуць мэтанакіраваныя адпрацоўкі дарог і вуліц, нададуць увагу аб'ектам гандлю і ўстановам, якія працуюць у кругласутачным рэжыме. Калі вам стала дакладна вядома ці маюцца падазрэнні аб спробах нецвярозага кіравання, паведаміце аб гэтым па тэлефоне 102.

Дзяржаўтаінспекцыя нагадвае, што калі ў выдыхаемым паветры кіроўцы змяшчаецца да 0,8 праміле алкаголю, то яму пагражае штраф у памеры 100 базавых велічыняў і пазбаўленне права кіравання транспартным сродкам тэрмінам на тры гады, калі звыш 0,8 ці кіроўца адмаўляецца ад праходжання медыцынскага агляду - 200 базавых велічынь і пазбаўленне на 5 гадоў. У выпадку паўторнага парушэння на працягу года, вадзіцель будзе прыцягнуты да крымінальнай адказнасці з наступнай канфіскацыяй транспартнага сродку.

Акрамя таго, важна ведаць, што толькі наяўнасць вадзіцельскага пасведчання дае вадзіцелю права кіравання транспартнымі сродкамі па дарогах Рэспублікі Беларусь. Атрымаць адпаведны дакумент грамадзяне могуць пасля праходжання курса тэарэтычнага і практычнага навучання навыкам ваджэння і паспяховай здачы кваліфікацыйнага іспыту ў Дзяржаўтаінспекцыі.