У Адзіны дзень бяспекі дарожнага руху ў Глыбокім прайшла акцыя "Вазьмі дзіця за руку!"

Менавіта такую ​​фразу-заклік нанеслі актывісты Маладзёжнага атрада аховы правапарадку разам з супрацоўнікамі аддзела ДАІ Глыбоцкага РАУС на асфальце перад пешаходнымі пераходамі побач з установамі, якія наведваюць дзеці.

Галоўная мэта акцыі - нагадваць дарослым аб тым, што паблізу праезнай часткі неабходна быць асабліва ўважлівым да дзяцей.

– З дапамогай трафарэта і балонаў з белай фарбай мы нанеслі на асфальт надпіс для дарослых і дзяцей, якi падкажа ім быць асцярожнымі пры пераходзе праз дарогу. Мы спадзяемся, што пасля такога прызыву, кожны, хто ўбачыць каля пешаходнага пераходу дзіцяці, абавязкова возьме яго за руку і дапаможа перайсці праз праезную частку, – падзялілася меркаваннем Алеся Шыпіла, галоўны спецыяліст аддзела ідэалагічнай работы і па справах моладзі райвыканкама.