Беларускія традыцыі пераймаюць студэнты з Кітая ў Віцебску

У Віцебскім дзяржаўным універсітэце імя П.М. Машэрава навучаецца каля 900 чалавек з КНР у рамках Пагаднення аб супрацоўніцтве паміж урадамі Беларусі і Кітая ў сферы адукацыі. У кожнага з іх ёсць магчымасць даведацца больш пра мясцовую культуру і традыцыі, а таксама акунуцца ў навагоднюю святочную атмасферу. Уражальнай традыцыяй для замежных студэнтаў сталі ўпрыгожаныя ёлкі ў дамах, магазінах і на плошчах. У Кітаі ж абавязковым атрыбутам свята з'яўляюцца парныя надпісы з пажаданнямі дабрабыту і здароўя, якія вешаюцца па абодва бакі дзвярэй і над імі. Галоўнай святочнай стравай на стале лічацца пяльмені з сюрпрызам у выглядзе манеты або арэха. Гэты Новы год студэнты сустрэнуць сумяшчаючы традыцыі Беларусі і Кітая.

БелТА