Банк развіцця ў студзені-верасні павялічыў фінпадтрымку малога і сярэдняга бізнесу ў 2,7 раза

Банк развіцця ў студзені-верасні павялічыў фінансавую падтрымку па трох асноўных напрамках дзейнасці: на рэалізацыю інвестыцыйных і іншых праектаў, экспартнае крэдытаванне і падтрымку малых і сярэдніх прадпрыемстваў. Аб гэтым паведамілі БЕЛТА ў прэс-службе банка.

На рэалізацыю інвестыцыйных і іншых праектаў, уключаючы інвесткрэдыты кліентам і набыццё мэтавых аблігацый для фінансавання аб'ектаў сацыяльнай сферы, па стане на 1 кастрычніка было прадастаўлена Br1,72 млрд у эквіваленце, што на 70,6 працэнта больш, чым за аналагічны перыяд 2019 года.

Выдача экспартных крэдытаў дасягнула Br871,7 млн у эквіваленце (144,2 працэнта да ўзроўню дзевяці месяцаў мінулага года).

Найбольш актыўная дынаміка назіралася па напрмку падтрымкі МСП: за дзевяць месяцаў гэтага года было прадастаўлена Br204,2 млн у эквіваленце, што ў 2,7 раза перасягае суму за аналагічны перыяд 2019 года.

У цэлым Банк развіцця за студзень-верасень прадаставіў на інвестыцыйныя і іншыя праекты, экспартнае крэдытаванне і падтрымку МСП каля Br2,8 млрд, або 2,6 працэнта ВУП.

"З моманту апошніх змяненняў у мандат Банка развіцця асаблівую актуальнасць набыло фінансаванне самастойна адбіраемых інвестыцыйных праектаў. Кліентам прапануецца шэраг крэдытных прадуктаў як у нацыянальнай, так і ў замежнай валютах. Акрамя таго, захоўвае актуальнасць і прывабнасць фінансаванне беларуска-кітайскіх інвестыцыйных праектаў за кошт сродкаў крэдытнай лініі Дзяржаўнага Банка развіцця Кітая", - адзначылі ў прэс-службе.