Беларускія аграрыі ўбралі больш за палавіну плошчаў азімага рапсу на зерне

Беларускія аграрыі ўбралі азімы рапс на зерне са 170,6 тыс. га, што складае 53 працэнты запланаваных плошчаў, паведамляе БЕЛТА са спасылкай на аператыўную інфармацыю Міністэрства сельскай гаспадаркі і харчавання.

Паводле даных на 20 ліпеня, намалочана 359,5 тыс. т азімага рапсу, ураджайнасць складае 21,1 ц/га. Завяршаецца ўборка азімай свірэпіцы на зерне: работы праведзены на 26,4 тыс. га (97,3 працэнта запланаваных плошчаў), намалочана 25,6 тыс. т пры ўраджайнасці 9,69 ц/га.

Збожжавыя і зернебабовыя культуры (без кукурузы, грэчкі і проса) у гэтым годзе плануецца ўбраць больш як з 2,2 млн га. Уборачныя работы пакуль выкананы на 92,7 тыс. га (4,22 працэнта запланаваных плошчаў). Намалочана 344,2 тыс. т збожжа, ураджайнасць складае 37,2 ц/га. Азімае жыта ўбрана з 20,1 тыс. га (5,57 працэнта плана), пшаніца - з 21,5 тыс. га (3,19 працэнта), трыцікале - з 18,3 тыс. га (4 працэнты), ячмень - з 31,5 тыс. га (7,96 працэнта), авёс - 0,24 тыс. га (0,16 працэнта).

Лён выцераблены на 10,14 тыс. га (20,8 працэнта ўборачнай плошчы). Другі ўкос траў у Беларусі праведзены на 607,1 тыс. га (74,2 працэнта ад плана). Нарыхтавана 519,1 тыс. т сена (51,4 працэнта ад плана), 11,395 млн т сенажу (90,4 працэнта) і 484,8 тыс. т сіласу (2,53 працэнта).

Усяго ў гэтым годзе плануецца атрымаць 9,3 млн т кармавых адзінак травяных кармоў, прычым найбольшая доля прыпадзе на Мінскую і Брэсцкую вобласці. Да гэтага часу нарыхтавана 38,1 працэнта ад плана. Сіласу плануецца нарыхтаваць амаль 19,2 млн т, сенажу - 12,6 млн т (у тым ліку ў палімерную ўпакоўку 1,1 млн т), сена - 1,01 млн т.