Больш за 21,7 тыс. суб'ектаў гаспадарання зарэгістраваны ў Беларусі за паўгода

У Беларусі за шэсць месяцаў 2021 года зарэгістравана 21 745 суб'ектаў гаспадарання, у тым ліку 4713 юрыдычных асоб і 17 032 індывідуальныя прадпрымальнікі, паведамілі БЕЛТА ў Мінюсце.

Больш за ўсё суб'ектаў гаспадарання за паўгода з'явілася ў Мінску - 2295 юрыдычных асоб і 4600 індывідуальных прадпрымальнікаў. У лідарах таксама Мінская вобласць, дзе зарэгістравана 787 юрыдычных асоб і 2917 ІП.

У Брэсцкай вобласці з'явілася 378 юрыдычных асоб і 2272 індывідуальныя прадпрымальнікі, у Віцебскай - 287 і 1585, у Гомельскай - 352 і 1906 адпаведна.

Што датычыцца Гродзенскай вобласці, там зарэгістравана 296 юрыдычных асоб і 2126 прадпрымальнікаў, а ў Магілёўскай - 285 юрыдычных асоб і 1626 індывідуальных прадпрымальнікаў.

Нацыянальным банкам, міністэрствамі фінансаў, юстыцыі, а таксама галоўнымі ўпраўленнямі юстыцыі аблвыканкамаў, Мінскага гарвыканкама (адносна мясцовых грамадскіх аб'яднанняў і фондаў) у гэты перыяд было зарэгістравана 33 юрыдычныя асобы.

Пры гэтым у адносінах да 18 577 суб'ектаў гаспадарання (4976 юрыдычных асоб і 13 601 ІП) пачата працэдура ліквідацыі (спынення дзейнасці).

БелТА