Масавая сяўба ранніх яравых пачалася ў Беларусі

Масавая сяўба ранніх яравых збожжавых і зернебабовых культур пачалася ў Беларусі, паведамілі карэспандэнту БЕЛТА ў прэс-службе Міністэрства сельскай гаспадаркі і харчавання.

Па стане на 13 сакавіка сяўба ранніх яравых збожжавых і зернебабовых культур (без кукурузы, грэчкі і проса) праведзена на плошчы 39,6 тыс. га, або 5,08 працэнта плана. Найбольш актыўна работы ідуць у паўднёвых рэгіёнах краіны. У Брэсцкай вобласці сяўба праведзена на 20,7 працэнта запланаванай плошчы, у Гомельскай - на 16,1 працэнта, у Гродзенскай - на 0,86 працэнта, Мінскай - на 0,75 працэнта, Магілёўскай - 0,27 працэнта, Віцебскай - 0,02 працэнта. Прадаўжаецца і падрыхтоўка глебы пад сяўбу: падрыхтавана ўжо 117,8 тыс. га (15,1 працэнта плана).

Ранія яравыя збожжавыя і зернабабовыя культуры ў бягучым годзе плануецца пасеяць на плошчы 779,4 тыс. га. У цэлым яравая сяўба будзе праведзена на плошчы большай за 2,3 млн га.

Згодна з рабочым планам па падрыхтоўцы і правядзенні веснавых палявых работ у 2020 годзе, сельскагаспадарчыя арганізацыі, сялянскія (фермерскія) гаспадаркі павінны забяспечыць вытворчасць збожжа ў аб'ёме большым за 8,1 млн т, у тым ліку 6,5 млн т фуражнага.