Новыя пасады ўрачоў з'явіліся ў Беларусі

Новыя пасады ўрачоў з'явіліся ў Беларусі. Гэта прадугледжана пастановай Міністэрства аховы здароўя, якая карэкціруе яго ж пастанову нумар 61 ад 27 мая 2021 года, паведамляе БЕЛТА са спасылкай на прэс-службу міністэрства.

Дакумент уносіць змяненні ў наменклатуру пасад служачых медыцынскіх, фармацэўтычных работнікаў.

Упершыню ў Беларусі ўведзена пасада ўрача-рэфлексатэрапеўта па традыцыйнай кітайскай медыцыне.

У рамках спецыяльнасці ўрача-спецыяліста ўведзены такія пасады, як урач ультрагукавой дыягностыкі у спецыяльнасці, урач функцыянальнай дыягностыкі ў спецыяльнасці. Гэта звязана з патрэбнасцю галіны і стала магчымым у сувязі з прадастаўленнем асобным катэгорыям урачоў-спецыялістаў права допуску да выканання ультрагукавых і функцыянальных даследаванняў.

У Міністэрстве растлумачылі, што пастанова нумар 61 скарэкціравана з улікам практыкі. Пры падрыхтоўцы праекта пастановы Міністэрствам аховы здароўя ўлічаны пытанні і прапановы, якія ўзнімаюцца практычнай аховай здароўя і ўзнікалі пры прымяненні дзеючых цяпер наменклатуры пасад медыцынскіх, фармацэўтычных работнікаў і патрабаванняў да займання адпаведных пасад.

Адзначаецца, што ўвядзенне новых пасад, якія прадугледжаны пастановай, будзе рэалізавана ў межах існуючай штатнай колькасці.

Адпаведныя дапаўненні ўнесены ў медыцынскія профілі спецыяльнасцей.

БелТА