Сяўба азімых збожжавых завяршаецца ў Беларусі

Азімыя збожжавыя ў Беларусі пасеяны на 1,394 млн га плошчаў, што складае 99 працэнтаў ад плана, паведамляе БЕЛТА са спасылкай на аператыўную інфармацыю Міністэрства сельскай гаспадаркі і харчавання.

Ільнотраста паднята з 46,3 тыс. га, што складае 97,6 працэнта ад уборачнай плошчы. Нарыхтавана 149,4 тыс. т пры сярэдняй ураджайнасці 36,3 ц/га (у 2019 годзе на аналагічную дату было 31,9 ц/га).

Убрана 42,1 працэнта плошчаў цукровых буракоў (34,7 тыс. га). Накапана больш 1,5 млн т буракоў, сярэдняя ўраджайнасць склала 452 ц/га (у мінулым годзе - 472,6 ц/га). Цукрыстасць буракоў - 16 працэнтаў (у 2019-м - 16,61 працэнта). На буракапрыёмныя пункты вывезена 1,28 млн т караняплодаў.

Бульбы накапана 625 тыс. т, убрана 21,9 тыс. га, або 87,1 працэнта плошчаў. Ураджайнасць склалася на ўзроўні 286 ц/га супраць 313,6 ц/га на аналагічную дату 2019 года. Самая высокая ўраджайнасць у Віцебскай вобласці - 372,5 ц/га.

Агародніны сабралі 83,5 тыс. т пры ўраджайнасці 203,4 ц/га.