У Беларусі на рамонт дарог і мастоў плануецца дадаткова выдзеліць Br300 млн

У Беларусі на рамонт дарог і мастоў плануецца дадаткова выдзеліць Br300 млн. З іх Br200 млн пойдуць на рэспубліканскія дарогі і масты, Br100 млн - на мясцовую дарожную сетку, паведамілі БЕЛТА ў прэс-службе Мінтранса Беларусі.

Гэта фінансаванне дасць магчымасць адрамантаваць каля 250 км грузанапружаных участкаў аўтадарог, у тым ліку на трасе М1 Брэст - Мінск - граніца Расіі, М3 Мінск - Віцебск, М10 граніца Расіі - Гомель - Кобрын, Р20 Віцебск - Полацк - граніца Латвіі.

Цяпер у рэспубліцы прадаўжаецца маштабная работа па рэканструкцыі мастоў - аднаўляюцца 13 такіх значных аб'ектаў. У бягучым годзе рух будзе адкрыты на пяці з іх.

За кошт атрыманых сродкаў будуць пачаты рамонтныя работы на некалькіх мастах: цераз раку Дрыса на аўтадарозе Р117, цераз Бярэзіну на Р43, цераз Нёман (адзін мост на М11/Е85, другі - на Р41), цераз Сож на Р74 і інш.

У красавіку 2022 года аб'ём сродкаў рэспубліканскага дарожнага фонду, што накіроўваюцца на фінансаванне рамонту маставых збудаванняў, быў павялічаны на Br47 млн.

БелТА