У Беларусі ў 2024 годзе плануюць адрамантаваць больш за 4 тыс. км дарог

У Беларусі ў 2024 годзе плануюць адрамантаваць больш за 4 тыс. км дарог. Аб гэтым заявіў міністр транспарту і камунікацый Аляксей Ляхновіч у інтэрв'ю тэлеканалу АНТ, паведамляе БЕЛТА.

"Мы вельмі складана выходзілі з зімы, такая ямачнасць была на дарогах. Перш за ўсё трэба было ўстараніць гэту ямачнасць, на найбольш складаных участках зрабіць бягучы рамонт, без шкоды планам па рэканструкцыі. І з гэтым мы таксама спраўляемся. У бягучым годзе выдзелена Br1,4 млрд на рэканструкцыю і рамонт усёй дарожнай сеткі - гэта датычыцца і рэспубліканскіх, і мясцовых дарог. Плануем зрабіць каля 3 тыс. км дарог, гэта значыць правесці мадэрнізацыю, удасканаленне пакрыццяў, каб дарога потым магла яшчэ 7-8 гадоў адслужыць. Што датычыцца наступнага года, вельмі значная сума сродкаў прадугледжана на дарогі, менавіта на ўдасканаленне пакрыццяў, - амаль Br2,2 млрд. Зробім больш за 4 тыс. км дарог", - сказаў Аляксей Ляхновіч.

Паводле яго слоў, у Беларусі зрушаны вектар работ. "Раней мы часцей ездзілі на Еўропу, а цяпер з'явілася патрэбнасць у новым калідоры на Санкт-Пецярбург. Размова ідзе аб аўтадарозе Р46 Лепель - Полацк - граніца РФ. У гэтым годзе мы пачалі рэканструкцыю ад Полацка да Лепеля. Акрамя таго, ад Полацка да граніцы РФ пачаты капітальны рамонт гэтай дарогі, завяршыць які мы плануем у 2024 годзе з павелічэннем нагрузкі на вось", - дадаў міністр.

Ён адзначыў, што інфраструктурныя праекты выконваюцца, нягледзячы на спыненне заходняга фінансавання. "Для нас нічога не змянілася. Цяпер гэта не грошы міжнародных арганізацый, а нашы, бюджэтныя грошы. Напрыклад, у нас з ЕБРР быў праект па 13 маставых збудаваннях, але з адыходам гэтага еўрапейскага банка мы не спыніліся. Мы прадоўжылі іх рэканструкцыю. Увялі ўжо чатыры масты, у гэтым годзе ўводзім яшчэ пяць, у наступным годзе плануем астатнія чатыры завяршыць", - праінфармаваў Аляксей Ляхновіч.

БелТА