Кіраўніцтва Глыбоцкага раёна накіравала віншаванні да дня аўтамабіліста і дарожніка
Паважаныя работнікі і ветэраны аўтамабільнага транспарта і дарожнай гаспадаркі Глыбоцкага раёна!
Прыміце самыя шчырыя віншаванні з прафесійным святам – Днём аўтамабіліста і дарожніка.
Прафесія аўтамабіліста і дарожніка – асаблівая, з уласцівай ёй рамантыкай, характарам і традыцыямі. Але, перш за ўсё, гэта напружаная праца, якая патрабуе фізічнай і эмацыйнай самааддачы.
На аўтатранспарт ускладзены асноўны аб’ём пасажырскіх перавозак, аўтамабілямі перавозіцца і значная доля грузаў. Таму ад зладжанай і безаварыйнай работы вадзіцеляў, дыспетчараў, інжынераў, рамонтных работнікаў залежыць функцыянаванне ўсіх сфер жыццядзейнасці нашага раёна і ўсёй краіны.
У гэты дзень выказваем удзячнасць усім, хто ажыццяўляе аўтаперавозкі, утрымлівае, рамантуе, будуе дарогі і масты. Асаблівую ўдзячнасць выказваем ветэранам аўтамабільнага і дарожнага транспарта, якія знаходзяцца на заслужаным адпачынку, і тым, хто працягвае працаваць, каб перадаваць свой каштоўны жыццёвы і прафесійны вопыт моладзі.
Жадаем усім работнікам галіны моцнага здароўя, паспяховай і безаварыйнай працы, новых прафесійных дасягненняў, невычэрпнай энергіі, шчасця. Няхай у вашых сем’ях пануюць мір, дабрабыт, каханне.
З павагай,
Глыбоцкі раённы выканаўчы камітэт,
Глыбоцкі раённы Савет дэпутатаў.
