Кіраўніцтва раёна павіншавала работнікаў і ветэранаў прадстаўніцтва Белдзяржстраху па Глыбоцкім раёне са святам
Паважаныя работнікі і ветэраны прадстаўніцтва Белдзяржстраху па Глыбоцкім раёне!
Прыміце шчырыя віншаванні з прафесійным святам – Днём страхавых работнікаў!
Ажыццяўляючы віды дзейнасці ў сферы страхавой справы, вы выконваеце важную ролю ў жыцці грамадства – надзейна забяспечваеце абарону маёмасных інтарэсаў жыхароў Глыбоччыны, арганізацый і ўстаноў раёна, аказваеце своечасовую дапамогу падчас непрадказальных здарэнняў прыроднага характару.
Веды, вопыт і высокі прафесіяналізм – вось тыя якасці, якія дазваляюць вам з годнасцю выконваць ускладзеныя на вас абавязкі, а ваша выніковая праца садзейнічае і будзе садзейнічаць надалей паспяховаму вырашэнню сацыяльна-эканамічных задач дзеля дабрабыту нашага Глыбоцкага раёна і роднай Беларусі.
Жадаем вам моцнага здароўя, фінансавай стабільнасці, далейшага росквіту і новых поспехаў у развіцці страхавой справы!
З павагай,
Глыбоцкі раённы выканаўчы камітэт.
Глыбоцкі раённы Савет дэпутатаў.
