Кіраўніцтва раёна павіншавала работнікаў і ветэранаў пракуратуры Глыбоцкага раёна са святам
Паважаныя работнікі і ветэраны пракуратуры Глыбоцкага раёна!
Ад імя Глыбоцкага раённага выканаўчага камітэта, раённага Савета дэпутатаў шчыра віншуем з прафесійным святам!
Пракуратура – найважнейшае звяно ў праваахоўнай сістэме краіны, гэта штодзённая карпатлівая работа многіх пакаленняў супрацоўнікаў па фарміраванні прававых асноў дзяржавы і грамадства, стварэнні надзейнага шчыта па супрацьдзеянні злачыннасці, экстрэмісцкім праявам і карупцыі.
Людзі вашай прафесіі адрозніваюцца не толькі значным юрыдычным багажом і высокай самааддачай, але і чуццём, і вострым сацыяльным зрокам, што дазваляе бачыць праблемы грамадства. Гэта нялёгкая праца, выканаць якую пад сілу толькі прынцыповым і мудрым людзям, з абвостраным пачуццём справядлівасці. Менавіта такія – сумленныя, высокакваліфікаваныя, годна выконваючыя свой прафесійны абавязак – юрысты служаць у пракуратуры нашага раёна.
Выказваем удзячнасць ветэранам за дастойны ўклад ва ўмацаванне законнасці і правапарадку, перадачу назапашанага вопыту маладому пакаленню.
Паважаныя работнікі і ветэраны пракуратуры, жадаем вам і вашым сем’ям моцнага здароўя, цярпення і стойкасці, міру і дабрабыту, стваральнай працы на карысць нашай дзяржавы.
Глыбоцкі раённы выканаўчы камітэт.
Глыбоцкі раённы Савет дэпутатаў.
