КІРАЎНІЦТВА РАЁНА ПАВІНШАВАЛА СА СВЯТАМ ПРАЦЫ ЖЫХАРОЎ ГЛЫБОЧЧЫНЫ
Паважаныя жыхары Глыбоцкага раёна!
Ад імя Глыбоцкага райвыканкама, раённага Савета дэпутатаў віншуем вас са Святам працы – 1 Мая і 120-годдзем прафсаюзнага руху Беларусі.
Гэтае свята – сімвал абнаўлення, светлых надзей, узаемнай падтрымкі і згуртаванасці, павагі да стваральнай працы. Першамай – гэта, у першую чаргу, даніна павагі людзям працы, тым традыцыям, якія былі калісьці закладзеныя і дагэтуль беражліва захоўваюцца і перадаюцца на прадпрыемствах і ў арганізацыях раёна.
Мірная стваральная праца, салідарнасць і справядлівасць былі і застаюцца галоўнымі каштоўнасцямі ў нашым грамадстве, асновай развіцця і паспяховага будаўніцтва незалежнай Беларусі. Разам мы вырашым любыя задачы і рэалізуем самыя смелыя ідэі.
У гэты дзень мы славім ветэранаў, працоўны подзвіг якіх заклаў асновы нашага сённяшняга жыцця, выказваем павагу і ўдзячнасць добрасумленным работнікам, перадавікам вытворчасці.
Няхай у кожнага з вас будзе любімая справа, а жыццё напоўнена творчасцю, смелымі задумамі і яркімі падзеямі. Хай пануюць у вашых дамах згода і паразуменне. Жадаем здароўя, павагі, годнай ацэнкі вашай працы, патрэбнай Радзіме.
Са Святам працы, жыхары Глыбоччыны!
З павагай,
Глыбоцкі раённы выканаўчы камітэт,
Глыбоцкі раённы Савет дэпутатаў.
