Кіраўніцтва раёна павіншавала удзельнікаў і гасцей ХІ Міжнароднага свята “Вішнёвы фестываль”
Ад імя Глыбоцкага раённага выканаўчага камітэта, раённага Савета дэпутатаў вітаем удзельнікаў і гасцей ХІ Міжнароднага свята “Вішнёвы фестываль”!
За 10 гадоў свайго існавання Вішнёвы фестываль стаў важнай падзеяй у культурным жыцці Глыбоччыны. Фестываль унікальны па сваіх мэтах. Ён заваяваў шырокае прызнанне і падтрымку грамадскасці таму, што народнае культурнае багацце краін-удзельніц невычэрпнае. Кожны народ, развіваючы сваю нацыянальную культуру, уносіць неацэнны ўклад у скарбніцу сусветнага мастацтва. Выдатна, калі выступаючы на канцэртных пляцоўках, артысты радуюць гледачоў сваім мастацтвам і абменьваюцца вопытам.
Дарагія сябры! Няхай глыбоцкая вішня сагравае і збліжае сэрцы і душы людзей, абуджае ў іх светлыя пачуцці дабра і ўзаемнай павагі, любові да роднай Беларусі і нашай дарагой Глыбоччыны, гонару за сваю Бацькаўшчыну і яе шчырых працавітых людзей.
Жадаем усім атрымаць ад Вішнёвага фестывалю тыя ўражанні і адчуванні, на якія вы спадзяваліся!
Заўсёды рады бачыць вас на Міжнародным свяце “Вішнёвы фестываль” у Глыбокім!
З павагай,
Глыбоцкі раённы выканаўчы камітэт
Глыбоцкі раённы Савет дэпутатаў
