Кіраўніцтва раёна павіншавала ваеннаслужачых і ветэранаў вайсковай часці 5524 з Днём унутраных войскаў
Паважаныя ваеннаслужачыя і ветэраны вайсковай часці 5524!
Ад імя Глыбоцкага раённага выканаўчага камітэта, раённага Савета дэпутатаў прыміце шчырыя віншаванні з прафесійным святам!
Унутраныя войскі заўсёды былі і застаюцца надзейнай апорай дзяржавы, выступаючы гарантам правапарадку і стабільнасці, мірнага і спакойнага жыцця нашых грамадзян.
Сапраўдны патрыятызм, высокі прафесіяналізм, вернасць прысязе і багаты вопыт дазваляюць вам упэўнена рэагаваць на любыя падзеі, якасна выконваць пастаўленыя задачы па супрацьдзеянні злачыннасці, захаванню канстытуцыйнага строю і цэласнасці дзяржавы, ахове парадку і забеспячэнні грамадскай бяспекі.
Дзякуем вам за добрасумленную службу, мужнасць, гераізм, самаадданасць, гатоўнасць прыйсці на дапамогу людзям.
Жадаем далейшых поспехаў у службе на карысць Айчыны і роднай Глыбоччыны, міру, дабра і дабрабыту!
З павагай,
Старшыня Глыбоцкага раённага выканаўчага камітэта
Старшыня Глыбоцкага раённага Савета дэпутатаў
