З прафесійным святам супрацоўнікаў і ветэранаў Глыбоцкага раённага аддзела Следчага камітэта Рэспублікі Беларусь віншуе кіраўніцтва раёна
Паважаныя супрацоўнікі і ветэраны Глыбоцкага раённага аддзела Следчага камітэта Рэспублікі Беларусь!
Ад імя Глыбоцкага раённага выканаўчага камітэта, раённага Савета дэпутатаў прыміце шчырыя віншаванні з прафесійным святам!
У аснову прынцыпаў працы органаў папярэдняга следства закладзены непахісныя каштоўнасці – Закон. Справядлівасць. Айчына.
Супрацоўнікі Глыбоцкага раённага аддзела Следчага камітэта Рэспублікі Беларусь з гонарам і годнасцю выконваюць сваю нялёгкую, але жыццёва важную для грамадства працу, якая патрабуе асабістай мужнасці і прынцыповасці.
Вашы высокія чалавечыя і маральныя якасці, прафесіяналізм, прызванне і адказнасць з'яўляюцца залогам эфектыўнасці вашай дзейнасці.
Перакананыя, што, кіруючыся заканадаўствам Рэспублікі Беларусь, а таксама працягваючы лепшыя следчыя традыцыі, вы і надалей з поспехам будзеце вырашаць пастаўленыя задачы па ўсебаковаму, поўнаму і аб'ектыўнаму расследаванню злачынстваў, абароне законных правоў і інтарэсаў грамадзян.
Ад усёй душы жадаем вам, вашым родным і блізкім здароўя, шчасця і дабрабыту, мірнага неба над галавой! Няхай выдатныя поспехі ў прафесійнай дзейнасці і ў далейшым суправаджаюць службу на карысць беларускага народа і дзяржавы!
З павагай,
Старшыня Глыбоцкага
раённага выканаўчага камітэта А.М.Шубскі
Старшыня Глыбоцкага
раённага Савета дэпутатаў В.М.Цяліца