17.10.2025

Акцыя "Бяспека - гэта..."

У перыяд з 20 па 31 кастрычніка дзяржаўнай установай "Дзяржаўны энергетычны і газавы нагляд" сумесна з ДВА "Белэнерга" і ДВА "Белпалівагаз" праводзіцца акцыя, накіраваная на бяспечнае выкарыстанне электра-, цеплаўстановак і газавыкарыстоўваючага абсталявання ў асенне-зімовы перыяд, "Бяспека – гэта...".

Мэта акцыі: акцэнтаваць увагу насельніцтва на пытаннях электра-, цеплабяспекі і бяспекі пры карыстанні газам у побыце ва ўмовах паніжаных тэмператур, сфармаваць разуменне бяспечнага абыходжання з электрычным, газавым і цеплавым (цеплавыкарыстоўваючым) абсталяваннем, наглядна прадэманстраваць патэнцыйныя небяспекі, якія ўзнікаюць пры парушэнні правілаў эксплуатацыі абсталявання, і іх магчымыя наступствы (паражэнне электрычным токам, уцечка газу, пажар, тэрмічныя апёкі і іншае), навучыць алгарытмах дзеянняў у розных няштатных сітуацыях, выхаваць пачуццё асабістай адказнасці за ўласную бяспеку і бяспеку навакольных.