21.01.2026

Прафілактычнае мерапрыемства "Дом без пажару"

"Дом без пажару" - пад такой назвай у перыяд з 26 па 31 студзеня ў Глыбоцкім раёне будзе праводзіцца спецыяльнае прафілактычнае мерапрыемства МНС.

Мэтай мерапрыемства з'яўляецца зніжэнне рызык узнікнення ўзгаранняў у жылым фондзе і гібелі людзей ад іх. Работнікі МНС правядуць абследаванні супрацьпажарнага стану, як жылых дамоў, так і гаспадарчых пабудоў: лазняў, гаражоў, хлявоў, і раскажуць пра наступствы невыканання правілаў пажарнай бяспекі. Таксама спецыялісты нагадаюць аб недапушчальнасці пакідання малалетніх дзяцей без нагляду, аб небяспецы курэння і неабходнасці ўстаноўкі аўтаномных пажарных апавяшчальнікаў у жылых пакоях.

Акцэнт у праводзімай рабоце будзе зроблены на домаўладаннi і кватэры грамадзян, найбольш схільныя рызыцы ўзнікнення пажараў.

Даведачна: па стане на 20 студзеня 2026 года, у Віцебскай вобласці адбылося 84 пажары, на якіх загінулі 12 чалавек. У 70% выпадкаў, умовамі, спрыяючымі гібелі людзей, стала курэнне і стан алкагольнага ап'янення.

Асноўнымі прычынамі ўзнікнення пажараў па-ранейшаму застаюцца: неасцярожнае абыходжанне з агнём, парушэнне правілаў эксплуатацыі пячнога ацяплення, цеплагенерыруючых прылад, парушэнне правілаў эксплуатацыі электрасетак і электраабсталявання.

Небяспека курэння і алкаголю:

Ніколі не паліце ў ложку: гэта смяротна небяспечна, асабліва калі вы ўжывалі алкаголь. У стане ап'янення прытупляецца пачуццё небяспекі, і наступствы могуць быць незваротныя.

Бяспечнае месца для курэння: калі вы паліце, рабіце гэта ў спецыяльна адведзеных і бяспечных месцах, далей ад жылых зон і гаручых матэрыялаў.

Дбайнае тушэнне: заўсёды пераканайцеся, што цыгарэта ці запалкі цалкам патушаныя.

Аўтаномны пажарны апавяшчальнік (АПА) - ваш галоўны абаронца

Выратаванне жыцця: устаноўка аўтаномнага пажарнага апавяшчальніка - гэта самы эфектыўны спосаб засцерагчы сябе і сваю сям'ю. Гэты невялікі прыбор, коштам усяго некалькі рублёў, здольны своечасова апавясціць аб задымленні гучным гукам, даючы каштоўныя хвіліны для эвакуацыі.

Дастукацца да кожнага і растлумачыць важнасць выканання правілаў пажарнай бяспекі – асноватворныя задачы планаванага мерапрыемства.

Не выяўляйце бестурботнасці і нядбайнасці ў пытаннях уласнай бяспекі. Беражыце сябе і сваіх блізкіх, а ў выпадку надзвычайнай сітуацыі, тэлефануйце па тэлефоне 101 або 112.