У Віцебску завяршаецца будаўніцтва новай дарогі, якая злучыць праспект Будаўнікоў з вуліцай Караткевіча ў мікрараёне Білева.

Дарога будзе мець тры паласы ў абодва бакі, тут пусцяць грамадскі транспарт. Даўжыня злучальнай магістралі будзе каля 900 м. Таксама ўжо відаць контуры пешаходнай і веладарожкі, яны будуць раздзелены зялёнай паласой. Амаль поўнасцю заасфальтавана сама магістраль.