15 красавіка ў Гарадоцкім раёне прайшлі маштабныя тактыка-спецыяльныя вучэнні па ліквідацыі ляснога пажару. Паводле задумы, усталяванае анамальна гарачае і засушлівае надвор'е прывяло да шматлікіх узгаранняў сухой расліннасці з наступным пераходам у лясны пажар. З'явілася пагроза таго, што пажары перакінуцца на прыватныя домаўладанні і аб'екты Міністэрства абароны, прылеглыя да лясоў. У вучэннях былі задзейнічаны авіяцыя МНС, спецыяльная тэхніка органаў і падраздзяленняў па надзвычайных сітуацыях, вытворчай лесагаспадарчай установы, Мінабароны і інш.

БелТА