У Віцебску пацыенты, якія паправіліся ад каранавіруснай інфекцыі, сталі здаваць плазму. Першы забор зроблены 21 красавіка на абласной станцыі пералівання крыві.

Цэнным кампанентам крыві прыйшлі падзяліцца чатыры жыхары абласнога цэнтра. Кожнага асабіста абследаваў і ацаніў стан здароўя па выніках клінічных аналізаў дырэктар РНПЦ трансфузіялогіі і медыцынскіх біятэхналогій Фёдар Карпенка.