04.12.2024

Адбылася восьмая сесія Глыбоцкага раённага Савета дэпутатаў 29 склікання, на якой быў разгледжаны шэраг ключавых пытанняў

У рабоце сесіі, нараўне з дэпутатамі раённага Савета дэпутатаў, прынялі ўдзел начальнікі ўпраўленняў, аддзелаў і службаў райвыканкама, член Маладзёжнага парламента пры Нацыянальным сходзе Рэспублікі Беларусь Ганна Салодкая.

Галоўным пунктам парадку дня стала абмеркаванне змен у раённым бюджэце на 2024 год. Начальнік фінансавага аддзела Глыбоцкага райвыканкама Наталля Пахом прадставіла дэпутатам прапановы па ўнясенню паправак у рашэнне № 267 ад 28 снежня 2023 года "Аб раённым бюджэце на 2024 год", а таксама ў рашэнне № 14 "Аб асобных пытаннях падаткаабкладання" ад 21 мая 2024 года. Яна падкрэсліла важнасць гэтых змен для забеспячэння ўстойлівага развіцця раёна і эфектыўнага размеркавання фінансавых рэсурсаў.

Акрамя таго, на сесіі быў абмеркаваны праект рашэння аб прыватызацыі дзяржаўнай маёмасці, якая знаходзіцца ва ўласнасці Глыбоцкага раёна, і пераўтварэнні камунальных унітарных прадпрыемстваў у адкрытыя акцыянерныя таварыствы. Дакумент прадставіў начальнік аддзела эканомікі Глыбоцкага райвыканкама Іна Голуб.

Гэтае рашэнне накіравана на ўпарадкаванне працэсу прыватызацыі і стварэння адкрытых акцыянерных таварыстваў у адпаведнасці з заканадаўствам Беларусі.

На думку старшыні Глыбоцкага раённага Савета дэпутатаў Веры Цяліцы, дадзеныя меры дапамогуць значна палепшыць кіраванне дзяржаўнымі актывамі, прыцягнуць прыватныя інвестыцыі і павысіць канкурэнтаздольнасць мясцовых прадпрыемстваў.