18.10.2024

Акцыя "Дай лесу новае жыццё!" прайшла сёння на Глыбоччыне

Рэспубліканская акцыя "Дай лесу новае жыццё!", абвешчаная Міністэрствам лясной гаспадаркі, праходзіць з 12 кастрычніка па 12 лістапада 2024 года. Сёння, 18 кастрычніка, да яе далучылася Глыбоччына.

У акцыі, арганізаванай Глыбоцкім дасведчаным лясгасам, прынялі ўдзел старшыня Глыбоцкага райвыканкама Аляксандр Шубскі, старшыня раённага Савета дэпутатаў Вера Цяліца, прадстаўнікі прыродаахоўных арганізацый раёна, прадпрыемстваў і ўстаноў, грамадскіх і прафсаюзных аб'яднанняў Глыбоччыны.

Акцыя прайшла ў фармаце запаўнення лясных культур на пэўных участках. У той дзень недалёка ад возера Бяглец былі высаджаны дзвесце саджанцаў соснаў, прадстаўленых Глыбоцкім лясгасам.

Акцыя працягваецца. Жадаючыя памнажаць лясныя багацці роднага краю змогуць далучыцца да яе на працягу месяца.