03.10.2024

Дэлегацыя Глыбоцкай раённай арганізацыі Беларускага грамадскага аб'яднання ветэранаў наведала Палату прадстаўнікоў Нацыянальнага сходу Рэспублікі Беларусь

Па запрашэнні дэпутата Палаты прадстаўнікоў Нацыянальнага сходу Рэспублікі Беларусь Анатоля Сіўко члены ветэранскай арганізацыі Глыбоцкага раёна наведалі Парламент і Прэзідэнцкую бібліятэку.

З дэлегацыяй раёна сустрэўся Старшыня Палаты прадстаўнікоў Нацыянальнага сходу Рэспублікі Беларусь Ігар Сергяенка.

Ігар Пятровіч распавёў аб шматпланавай рабоце дэпутацкага корпуса і аб законапраектах, над якімі зараз ідзе работа ў пастаянных камісіях.

Старшыня раённага Савета ветэранаў Віталь Шыпко выказаў глыбокую ўдзячнасць і падзяку Ігару Сергяенка і Анатолю Сіўко за ўнікальную магчымасць наведаць Парламент.