17.09.2024

Дэпутат Палаты прадстаўнікоў Нацыянальнага сходу Рэспублікі Беларусь Анатоль Сіўко павіншаваў глыбачан са святам

Дарагія землякі!

Віншую вас з Днём народнага адзінства!

У гэты дзень мы ўспамінаем падзеі, якія адыгралі важную ролю ў гісторыі нашай краіны. Ва ўсе часы галоўным для Беларусі было яднанне народа. Гэта тая гістарычная аснова, якая звязвае наша мінулае, сучаснасць і будучыню.

Сёння нацыянальная згода і адзінства грамадства, заснаваныя на маральных каштоўнасцях, правераных стагоддзямі, з'яўляюцца неабходнай умовай для стабільнага і дынамічнага развіцця як краіны у цэлым, так і рэгіёну ў прыватнасці, спакойнага і стабільнага жыцця грамадзян. Свята сімвалізуе адзінства народа, дачыненне кожнага з нас да лёсу Беларусі, пажаданне далейшага працвітання нашай Радзіме.

Прыміце ў гэты дзень самыя шчырыя пажаданні моцнага здароўя, доўгіх і шчаслівых гадоў жыцця, дабрабыту, невычэрпнай энергіі, аптымізму, новых працоўных поспехаў і здзяйсненняў!

Анатоль Сіўко,

дэпутат Палаты прадстаўнікоў Нацыянальнага сходу Рэспублікі Беларусь.