22.05.2025

Дэпутат Палаты прадстаўнікоў Нацыянальнага сходу Рэспублікі Беларусь Анатоль Сіўко наведаў Глыбоцкі раён

Парламентарый сумесна са старшынёй раённага Савета дэпутатаў Верай Цяліцай і старшынёй Глыбоцкага райвыканкама Аляксандрам Шубскім правёў прыём грамадзян.

Якія пытанні хвалююць выбаршчыкаў? Да Анатоля Віктаравіча звярнуліся з нагоды асфальтавання вуліцы Зарэчная ў вёсцы Дзеркаўшчына.

Аатолій Сіўко запэўніў заяўніка, што прыкладзе максімум намаганняў для таго, каб вуліца Зарэчная ў вёсцы Дзеркаўшчына была ўключана ў план асфальтавання на наступны год. Дэпутат паабяцаў трымаць пытанне на кантролі.

Старшыня Глыбоцкага райвыканкама Аляксандр Шубскі дадаў, што адказныя службовыя асобы райвыканкама, раённага Савета дэпутатаў адсочваюць падобныя праблемныя пытанні і ўносяць прапановы для ўключэння такіх дарог у перспектыўныя планы па іх асфальтаванні.

Нядаўна ў Рэспубліцы Беларусь адзначылі Дзень сям'і

У рамках гэтай падзеі дзіцячы дом сямейнага тыпу ў вёсцы Петрунова наведалі старшыня Глыбоцкага райвыканкама Аляксандр Шубскі, старшыня Глыбоцкага раённага Савета дэпутатаў Вера Цяліца і дэпутат Палаты прадстаўнікоў Нацыянальнага сходу Рэспублікі Беларусь Анатоль Сіўко.

На парозе іх сустрэлі бацькі-выхавальнікі Анастасія і Андрэй Вішнеўскія, а таксама дзевяць дзяцей.

Госці прыбылі не з пустымі рукамі - яны прывезлі дзецям прысмакі і падарункі, якімі пастараліся парадаваць жыхароў дома.

Сустрэча прайшла душэўна і прыемна, пакінуўшы цёплыя ўспаміны ва ўсіх удзельнікаў. Такая ўвага і падтрымка паказваюць, наколькі важныя сямейныя каштоўнасці і роля дзяржавы ў стварэнні спрыяльных умоў для гарманічнага росту і развіцця дзяцей.