16.12.2024

Дыялогавая пляцоўка "Без права на забыццё", прысвечаная Міжнароднаму дню памяці ахвяр злачынства генацыду, прайшла ў Глыбоцкім музеі

У рабоце дыялогавай пляцоўкі, мадэратарам якой выступіла дырэктар музея Алена Мядзелец, прынялі ўдзел пракурор Глыбоцкага раёна Валерый Дайлідёнак, начальнік аддзела ідэалагічнай работы і па справах моладзі Глыбоцкага райвыканкама, дэпутат раённага Савета дэпутатаў Людміла Карніловіч, музейныя і архіўныя работнікі, моладзь Глыбоччыны, прадстаўнікі працоўных калектываў устаноў і прадпрыемстваў горада.

Падчас дыялогу абмяркоўваліся актуальныя пытанні захавання гістарычнай праўды аб гераізме нашага народа ў гады Вялікай Айчыннай вайны і ўвекавечанні памяці ахвяр нацызму, агучваліся вынікі расследавання крымінальнай справы па факце генацыду беларускага народа, навуковымі супрацоўнікамі Уладзімірам Мірончыкам і Аляксандрам Хайноўскім прадстаўлены гістарычныя даклады аб падзеях вайны ў рэгіёне.

Звяртаючыся да ўдзельнікаў дыялогавай пляцоўкі Валерый Дайлідёнак, пракурор Глыбоцкага раёна, сказаў:

– З 2021 года Генеральнай пракуратурай Рэспублікі Беларусь узбуджана і вядзецца расследаванне крымінальнага справы па фактах генацыду беларускага народа ў гады Вялікай Айчыннай вайны. Маштабная работа працягваецца: ужо дапытана вялікая колькасць людзей, мімаволі стаўшых сведкамі тых страшных падзей, паднятыя шматлікія архіўныя дакументы, абноўлены карты спаленых вёсак.

Валерый Міхайлавіч падрабязна спыніўся на расследаванні крымінальнай справы і работы, якая праводзіцца ў дадзеным напрамку ў Глыбоцкім раёне. Ён акцэнтаваў увагу на тым, што палітыка гітлераўскай Германіі меркавала залежнае існаванне Беларусі пад прамым нямецкім кіраўніцтвам. Масавае знішчэнне людзей было пастаўлена на паток і вялося варварскімі метадамі і сродкамі.

Як адзначыў пракурор Глыбоцкага раёна Валерый Дайлідзёнак, у цяперашні час работа працягваецца.