02.09.2025

Глыбоцкі раён прадставіў свой патэнцыял на III Беларуска-Узбекскім жаночым бізнес-форуме

У рамках работы секцыі "Роля мясцовага самакіравання ў забеспячэнні ўстойлівага развіцця рэгіёнаў Беларусі і Узбекістана" Глыбоцкі раён прадставіў комплексную экспазіцыю, якая адлюстроўвае яго сацыяльна-эканамічнае развіццё і культурны патэнцыял.

Экспазіцыя Глыбоцкага раёна ўключае некалькі блокаў, кожны з якіх дэманструе дасягненні ў прамысловасці, багатую культурную спадчыну і турыстычны патэнцыял раёна.

- Прэзентацыя Глыбоцкага раёна на форуме - гэта важны крок ва ўмацаванні міжнародных сувязяў і прасоўванні патэнцыялу рэгіёна на міжнародным узроўні. Экспазіцыя прадэманстравала гатоўнасць раёна да развіцця супрацоўніцтва і рэалізацыі сумесных праектаў з замежнымі партнёрамі, – адзначыла Вера Цяліца, старшыня Глыбоцкага раённага Савета дэпутатаў.