16.07.2025

Глыбоцкі раён радуе добрымі паказчыкамі жніва азімага ячменю

Сельгаспрадпрыемствы нашага раёна прыступілі да жніва азімага ячменю, і першыя вынікі ўжо радуюць. Нягледзячы на вясновыя халады, якія маглі б негатыўна адбіцца на ўраджайнасці, аграрыі ўпэўненыя ў сваім поспеху. У прыватнасці, на палях сельгаспрадпрыемства "За Радзіму" працуюць чатыры экіпажы камбайнераў, якія з раніцы да вечара збіраюць плады сваёй працы.

– Ураджайнасць сапраўды добрая – 30 цэнтнераў з гектара. Мы ўсе стараемся, каб не выпусціць ніводнай хвіліны, – кажа камбайнер Станіслаў Вітко, які працуе на полі за вёскай Шуневічы. – Ячмень паспеў, і цяпер самы час збіраць яго. Спадзяюся, што ў гэтым годзе мы зможам перасягнуць леташнія вынікі.

Не адстае ад калег і вопытны механізатар Сяргей Сямашка.

– Кожны год для мяне – гэта новая гісторыя. У гэтым годзе ў нас будзе добры ўраджай. Галоўнае – гэта надвор'е і наша жаданне працаваць, – кажа Сяргей, з усмешкай гледзячы на залацістыя палі.

У камандзе "За Радзіму" таксама працуюць вопытныя механізатары Міхаіл Кушнярэвіч і Сяргей Зелянкевіч.

– Мы ведаем, як працаваць з тэхнікай, і гэта дае нам перавагу. Кожны год мы стараемся палепшыць свае вынікі, і сёлета, верагодна, нам гэта ўдасца, – дзеліцца Міхаіл.

Усяго гаспадарцы "За Радзіму" трэба будзе ўбраць 480 гектараў ячменю, і з такім настроем і вопытам камбайнераў, можна з упэўненасцю сказаць, што ўраджай будзе добры.