04.03.2025

Кіраўніцтва Глыбоцкага раёна накіравала віншаванні да Дня міліцыі

Паважаныя супрацоўнікі і ветэраны органаў унутраных спраў Глыбоцкага раёна! Віншуем вас з прафесійным святам – Днём міліцыі!

Суверэнітэт, сапраўдная незалежнасць дзяржавы забяспечваюцца паўсядзённай, карпатлівай і ўпартай працай народа, спакойным жыццём грамадзян. Абарона правапарадку, грамадскай бяспекі, маёмасных і сацыяльных правоў людзей – ганаровая і адказная місія органаў унутраных спраў Рэспублікі Беларусь.

Дзяржава і грамадства высока цэняць вашу самаадданасць і прафесіяналізм, адданасць Айчыне, вернасць абавязку і закону, уменне вырашаць сур’ёзныя задачы не толькі ў паўсядзённым жыцці, але і складаных надзвычайных сітуацыях.

Упэўненыя, што вы і надалей будзеце з’яўляцца прыкладам добрасумленнага выканання службовага абавязку, узорам асабістай прыстойнасці і прынцыповасці.

Глыбокая ўдзячнасць ветэранам, тым, хто многія гады верай і праўдай служыў Айчыне, тым, хто выхаваў годную змену прафесіяналаў.

Жадаем вам моцнага здароўя, шчасця і дабрабыту, далейшых поспехаў у вашай высакароднай справе!

Глыбоцкі раённы выканаўчы камітэт.

Глыбоцкі раённы Савет дэпутатаў.