10.05.2024

Кіраўніцтва раёна павіншавала жыхароў Глыбоцкага раёна са святам

Ад імя Глыбоцкага раённага выканаўчага камітэта, раённага Савета дэпутатаў прыміце шчырыя віншаванні З Днём Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь!

Паважаныя жыхары Глыбоцкага раёна!

Гэтае свята цесна звязвае паміж сабой мінулае, сучаснасць і будучыню. Аддаючы даніну глыбокай павагі сімвалам дзяржавы, мы падкрэсліваем сваю прыхільнасць да яе гераічнай гісторыі і багатых традыцый. Славім нашы нацыянальныя каштоўнасці – імкненне да міру, адзінства, свабоду, сяброўства, працавітасць і мужнасць.

Усе самыя значныя і яркія грамадска-палітычныя падзеі, святочныя мерапрыемствы, спартыўныя спаборніцтвы абавязкова суправаджаюцца ўзняццем Дзяржаўнага сцяга пад гукі гімна.

Дзякуючы гэтаму ў кожным з нас няўхільна ўзрастае і памнажаецца пачуццё гонару за Радзіму, адказнасць за яе лёс.

Жадаем усім мірнага неба над галавой, узаемаразумення і стваральнай працы на карысць роднай Беларусі, шчасця, здароўя і дабрабыту!

Глыбоцкі раённы выканаўчы камітэт

Глыбоцкі раённы Савет дэпутатаў