18.08.2025

Мядовы фэст сабраў жыхароў і гасцей Глыбоччыны

На цэнтральнай плошчы горада Глыбокае адбылося яркае і смачнае свята - Мядовы фэст.

Мерапрыемства стала сапраўдным падарункам для ўсіх аматараў натуральных прадуктаў і народных традыцый.

Праграма свята была насычанай і разнастайнай. Галоўнай падзеяй стаў кірмаш мёду, дзе мясцовыя пчаляры прадставілі шырокі асартымент сваіх лепшых гатункаў. Госці маглі не толькі набыць натуральны мёд, але і прадэгуставаць яго, а таксама пакаштаваць вытанчаныя сырныя дэлікатэсы і духмяныя чайныя кампазіцыі.

Культурная частка свята парадавала разнастайнасцю. На сцэне выступілі творчыя калектывы раёна, падарыўшы гледачам яркія музычныя нумары.

Свята стала сапраўднай гастранамічнай і культурнай падзеяй, якая аб'яднала жыхароў раёна і гасцей горада ў атмасферы цяпла, утульнасці і гасціннасці.