05.08.2025

Старшыня Глыбоцкага райвыканкама Аляксандр Шубскі наведаў прадпрыемства "Мосарлён"

Аляксандр Шубскі цікавіўся бягучымі справамі прадпрыемства. Як мантуецца новая выцяжная сістэма ў вытворчым цэху, вядзецца капітальны рамонт тэхналагічнага абсталявання і бягучы рамонт вытворчага цэха, падсобных і складскіх памяшканняў.

Кіраўнік раёна разам з Уладзімірам Ганчаровым, дырэктарам прадпрыемства, здзейсніў абыход тэрыторыі. Абмяркоўваліся пытанні добраўпарадкавання. Наведалі вытворчы цэх, дзе работнікі рамантавалі і фарбавалі абсталяванне, тынкавалі і фарбавалі сцены, праводзілі касметычны рамонт. Было відавочна, што праведзена вялікая работа. Аляксандр Шубскі пагутарыў з работнікамі, цікавячыся іх меркаваннем аб зменах, якія адбываюцца.

У завяршэнні візіту Аляксандр Шубскі даў дырэктару "Мосарлён" дакладную ўстаноўку:

- Працягвайце работу ў тым жа духу, надаючы максімум увагі якасці выпускаемай прадукцыі і стварэнню спрыяльных умоў працы для кожнага супрацоўніка.

Кіраўнік раёна Аляксандр Шубскі падкрэсліў, што Прэзідэнт Рэспублікі Беларусь Аляксандр Лукашэнка надае асаблівую ўвагу развіццю малых прадпрыемстваў у раёнах.

- ААТ "Мосарлён", у сваю чаргу, можна аднесці і да прадпрыемстваў стратэгічнага значэння. Бо вырошчванне лёну і вытворчасць ільновалакна – гэта аснова для далейшай перапрацоўкі на Аршанскім ільнокамбінаце. Беларускі лён, як вядома, з'яўляецца запатрабаванай сыравінай і матэрыялам на азіяцкіх, еўрапейскіх рынках, а таксама ў Расіі і Беларусі.