20.02.2026

Работа дэпутата ў акрузе

У Глыбокім прайшло пасяджэнне пастаянна дзеючай камісіі па каардынацыі работы па садзейнічанні занятасці насельніцтва пад кіраўніцтвам яе старшыні, старшыні раённага Савета дэпутатаў Веры Цяліцы і пры ўдзеле дэпутата Палаты прадстаўнікоў Нацыянальнага сходу Рэспублікі Беларусь Анатоля Сіўко.

У рабоце камісіі асаблівая ўвага надаецца працаўладкаванню людзей з праблемамі ў мінулым і тым, хто не жадае працаваць. Для іх прапануюцца вакансіі на прадпрыемствах і ў сельскай гаспадарцы, дзе востра не хапае рабочых рук.

Мы інфармуем, тлумачым і спадзяемся на грамадзянскую свядомасць кожнага, хто не заняты ў эканоміцы, – падкрэсліла Вера Міхайлаўна.

У Глыбоцкай раённай гімназіі прайшла сустрэча з дэпутатам Палаты прадстаўнікоў Нацыянальнага сходу Рэспублікі Беларусь Анатолем Сіўко і старшынёй Глыбоцкага раённага Савета дэпутатаў Верай Цяліцай.

Мэта візіту – знаёмства з дасягненнямі навучэнцаў.

Асаблівую ўвагу надалі інжынерна-тэхнічнаму цэнтру гімназіі. Яго кіраўнік Лідзія Раманчук распавяла аб рабоце: удзеле ў канферэнцыях, падрыхтоўцы праектаў, правядзенні майстар‑класаў і факультатываў, а таксама аб падрыхтоўцы вучняў 9-11 класаў да паступлення ў Нацыянальны дзіцячы тэхнапарк.

Навучэнцы прадэманстравалі праекты ў галіне 3D-друку, праграмавання і канструявання.

Анатоль Сіўко выказаў захапленне маштабам і глыбінёй распрацовак і падзякаваў вучням за талент і стараннасць, падкрэсліўшы іх значнасць для развіцця краіны.

Вера Цяліца пажадала гімназіі, яе вучням і педагогам далейшых поспехаў.

Дэпутаты сустрэліся са старшакласнікамі гімназіі, каб адказаць на іх "100 пытанняў даросламу".

Гаварылі аб выбары прафесіі і адукацыі, аб рэальных кар'ерных шляхах, аб асабістым вопыце і памылках.

Дыялог атрымаўся максімальна адкрытым: ніякіх нарыхтаваных прамоваў, толькі жывыя гісторыі і шчырыя адказы.

Галоўны пасыл сустрэчы: не бойцеся марыць і імкнуцца да большага. Вашы амбіцыі і праца – гэта падмурак будучыні краіны. Адважвайцеся!