09.06.2025

У Глыбокім адкрылася мабільная выстава "Старонкі Перамогі"

У гандлёвым цэнтры ГУМ у Глыбокім прайшла прэзентацыя мабільнай выставы "Старонкі Перамогі", прысвечанай 80-годдзю Перамогі.

На выставе прадстаўлены ўнікальныя фатаграфіі з архіваў, газетныя палосы, матэрыялы газеты ваенных гадоў і пасляваенныя выпускі.

Дырэктар Глыбоцкага гісторыка-этнаграфічнага музея, старшыня раённай арганізацыі "Беларускае таварыства "Веды" Алена Мядзелец распавяла прысутным пра гісторыю газеты "Віцебскі рабочы", якая выдавалася ў акупацыі і распаўсюджвалася партызанамі.

На адкрыцці прысутнічала намесніца старшыні Глыбоцкага райвыканкама Таццяна Тарасевіч.

Таццяна Леанідаўна падзякавала адміністрацыі ГЦ ГУМ за магчымасць размясціць выставу ў гандлёвым цэнтры і адзначыла:

- Кожны мальберт - гісторыя асобна ўзятага часовага адрэзка. Я ўпэўнена, што кожны наведвальнік выставы, прысвечанай подзвігу савецкага народа ў гады Вялікай Айчыннай вайны, адкрые для сябе шмат новага.

Выстава будзе працаваць з 9 па 15 чэрвеня.