20.08.2025

У Глыбокім адкрылі памятную дошку заслужанаму лесаводу Беларусі

Сёння адбылося ўрачыстае адкрыццё імянной дошкі Мікалаю Канстанцінавічу Круку - заслужанаму лесаводу Рэспублікі Беларусь, кандыдату біялагічных навук, дацэнту БДТУ.

У мерапрыемстве прынялі ўдзел: Міністр лясной гаспадаркі Рэспублікі Беларусь Аляксандр Кулік, генеральны дырэктар Віцебскага дзяржаўнага вытворчага лесагаспадарчага аб'яднання Юрый Ліпскі, намеснiк старшынi райвыканкама Таццяна Тарасевіч, сваякі Мікалая Канстанцінавіча, запрошаныя, работнікі і ветэраны Глыбоцкага вопытнага лясгаса, а таксама выхаванцы дашкольнага лясніцтва "Парастак".

Міністр лясной гаспадаркі адзначыў, што Мікалай Канстанцінавіч – сапраўдны прыклад самаадданай працы і прафесіяналізму.

Яго жыццёвы шлях служыць натхненнем для маладых спецыялістаў, дэманструючы, якім павінен быць сапраўдны прафесіянал лясной гаспадаркі.

– Ад імя Глыбоцкага райвыканкама віншуем вас, Мікалай Канстанцінавіч, з выдатным юбілеем – 70-годдзем!

Асабліва сімвалічна, што гэтая значная дата супадае з 85-годдзем нашага раёна, і гэта не можа быць простым супадзеннем.

Ваш жыццёвы шлях – прыклад самаахвярнага служэння роднаму краю.

У гэты знамянальны дзень ад усёй душы жадаем вам моцнага здароўя, бадзёрасці духу і невычэрпнай жыццёвай энергіі!

Няхай кожны дзень прыносіць радасць і задавальненне, а блізкія людзі атачаюць вас клопатам і любоўю, – сказала Таццяна Тарасевіч, намеснік старшыні Глыбоцкага райвыканкама.